एकै थालोमा ११ मौलिक तीज गीत लोकार्पण

काठमाडौं । तीजको अवसरमा अश्लिल भावका दुईअर्थी गीत आएपछि त्यस्ता गीतको बिरुद्ध मौलिक गीतलाई प्रोत्साहन गर्न सम्बन्धित संघ संस्था जुटेका छन् । यसैक्रममा सांस्कृतिक संस्थान, राष्ट्रिय लोक तथा दोहोरी गीत प्रतिष्ठानलगायतको सहकार्यमा राष्ट्रिय लोक सन्चारकर्मी नेपालले ११ वटा मौलिक तीज गीत एकै थलोमा लोकार्पित गरेको छ ।

साँस्कृतिक संस्थानका महाप्रबन्धक किरण बाबु पुन, राष्ट्रिय लोक तथा दोहोरी गीत प्रतिष्ठानकी अध्यक्ष रीता थापा मगर, पूर्व अध्यक्ष बद्री पँगेनी, राष्ट्रिय लोक सन्चारकर्मी नेपालका अध्यक्ष चन्द्रमणी गौतम, साँस्कृतिक अध्ययन तथा खोज अनुसन्धान परिषद्का अध्यक्ष बम बहादुर कार्की, प्रस्तोता समाज नेपालका अध्यक्ष शिब हमाललगायतले नाचघरमा एक समारोहबीच ११ वटा गीतलाई सार्वजनिक गरेका हुन् ।