म्यान्माको म्यावडीमा नेपालीलाई साइबर अपराधमा लगाइँदै

काठमाडौं । नेपालमा र विदेशी मुलुकमा कार्यरत नेपालीलाई राम्रो पारिश्रमिकको लोभमा सूचना प्रविधिसम्बन्धी काममा लगाउने भनी थाइल्यान्ड र म्यान्मामा लगेर बन्धक बनाउन थालेपछि अहिले नेपाल सरकार झस्केको छ ।

म्यान्मा (बर्मा)का कयिन प्रान्तस्थित म्यावडी र सोसँग जोडिएको थाइल्यान्डको मेसटमा बन्धकमा परेको भन्दै पीडितहरूले हाल गुहार गर्न थालेपछि सरकारले ट्राभल एड्भाइजरी जारी गरेको हो ।