फाल्गुनन्द गोल्डकपः घरेलु टोलीसँग रोकियो आर्मी

पाँचथर । विभागीय टोली त्रिभुवन आर्मी क्लव पाँचथरको फिदिममा जारी ११ औं संस्करणको फाल्गुनन्द गोल्डकप फुटवल प्रतियोगितामा घरेलु टोली फिदिम स्पोर्टिङ क्लवसँग रोकिएको छ ।

फिदिम माविको खेलमैदानमा सोमबार सम्पन्न प्रतियोगिताको पहिलो क्वाटरफाइनल खेलमा त्रिभुवन आर्मी क्लवले आयोजक फिदिम स्पोर्टिङ क्लवसँग टाइब्रेकरमा ४–२ गोलअन्तरको हार व्यहोरेको हो । प्रतिस्पर्धात्मक खेलको निर्धारित समयमा दुबै तर्फबाट गोल निस्किन नसकेपछि खेल टाइब्रेकरमा धकेलिएको थियो ।