भारत र चीनबीच सीमाक्षेत्रको तनाव अन्त्य गर्ने सहमति

नयाँदिल्ली । भारत र चीनबीच सीमाक्षेत्रमा जारी तनाव अन्त्य गर्ने सहमति भएको छ । भारतीय विदेश सचिव विक्रम मिश्रीले विवादित सीमाक्षेत्रमा तनाव अन्त्यका लागि गस्तीको व्यवस्था गर्न दुई देशबीच सहमति भएको जनाएका छन् ।

मिश्रीका अनुसार दुवै पक्ष सन् २०२० देखि जारी तनाव अन्त्य गर्न र मुद्दाहरूको समाधान गर्न सहमत भएका हुन् । चार वर्षअघि गलवान उपत्यकामा भएको झडपपछि दुई छिमेकीबीचको सम्बन्धमा तिक्तता आएको थियो । सन् १९७५ पछिकै घातक भिडन्तमा दुवै देशका सैनिकले ज्यान गुमाएका थिए ।