दक्षिण अफ्रिका र चेकियाले अंक बाँडे, अन्तिम ३२ मा पुग्ने सम्भावनामा धक्का

काठमाडौँ । विश्वकप फुटबल २०२६ अन्तर्गत समूह ‘ए’ को खेलमा दक्षिण अफ्रिका र चेकियाले १-१ को बराबरी खेल्दै १-१ अंक बाँडेका छन्। प्रतिस्पर्धात्मक खेलको अन्त्यतिर दुवै टोलीले विजयी गोलका अवसर पाए पनि सदुपयोग गर्न नसक्दा अंक बाँड्न बाध्य भए।

चेकियाले खेलको शुरूआतमै पाँचौँ मिनेटमा अग्रता बनाएको थियो। भाक्लाभ सोज्काको आकर्षक पासमा मिचल सादिलेकले गोल गर्दै टोलीलाई १-० ले अघि बढाएका थिए। यो गोल विश्वकप २०२६ को हालसम्मकै सबैभन्दा छिटो गोल बनेको थियो।