नेयमारले हैटीविरुद्धको खेल पनि गुमाउने

काठमाडौँ – ब्राजिलका स्टार फरवार्ड नेयमारले विश्वकप फुटबलअन्तर्गत हैटीविरुद्धको दोस्रो खेल गुमाउने भएका छन् । पिँडुलाको चोट पूर्ण रूपमा ठिक नभएका कारण उनी टोलीबाट बाहिरिएको ब्राजिलियन फुटबल कन्फेडेरेसनले पुष्टि गरेको छ ।

समूह ‘सी’ अन्तर्गत फिलाडेल्फियामा हुने हैटीविरुद्धको खेलका लागि ३४ वर्षीय नेयमार टोलीसँग यात्रा गर्ने छैनन् । सीबीएफले एक विज्ञप्ति जारी गर्दै भनेको छ, “नेयमार आफ्नो रिकभरी प्रक्रियाको अन्तिम चरणलाई तीव्र बनाउन न्युजर्सीमै रहनेछन् र होटलकै सुविधामा उपचार जारी राख्नेछन् ।”