भोटेकोशी बाढीले सामाजिक क्षेत्रमा ६७ अर्ब ८७ करोडको क्षति, पुनरुत्थानमा १ खर्ब ३ अर्ब ५४ करोड लाग्ने

काठमाडौँ। भोटेकोशी बाढीबाट सामाजिक क्षेत्रमा ६७ अर्ब ८७ करोड रुपैयाँबराबरको क्षति भएको प्रारम्भिक मूल्याङ्कन गरिएको छ। क्षतिग्रस्त सामाजिक क्षेत्रको पुनरुत्थान तथा पुनर्निर्माणका लागि १ खर्ब ३ अर्ब ५४ करोड रुपैयाँ आवश्यक पर्ने अनुमान गरिएको छ।

राष्ट्रिय योजना आयोग र राष्ट्रिय विपद् जोखिम न्यूनीकरण तथा व्यवस्थापन प्राधिकरणले तयार पारेको ‘द्रुत क्षति र आवश्यक मूल्याङ्कन’ (आरडिएनए) प्रतिवेदनअनुसार बाढीबाट ७ हजार ५७० निजी घर ध्वस्त भएका छन्। घर तथा घरभित्र रहेका सम्पत्तिसमेत मूल्याङ्कन गर्दा निजी आवास क्षेत्रमा ६३ अर्ब ८८ करोड ४८ लाख रुपैयाँबराबरको क्षति भएको छ। यसको पुनरुत्थानका लागि ९५ अर्ब ८२ करोड ७२ लाख रुपैयाँ आवश्यक पर्ने अनुमान छ।