बोस्नियामाथि स्वीट्जरल्यान्डको सानदार जीत

स्वीट्जरल्यान्डले फिफा विश्वकप २०२६ अन्तर्गत आफ्नो दोस्रो खेलमा बोस्निया एन्ड हर्जेगोभिनाविरुद्ध ४-१ को सानदार जीत निकालेको छ । शुक्रबार बिहान लस एन्जसल रंगशालामा सम्पन्न समूह ‘बी’को खेलमा मन्जाम्बीले ७२औं मिनेटमा स्ट्राइकर डान एनडोयलाई प्रतिस्थापन गरेका थिए ।

दुई मिनेट बित्न नपाउँदै भलीमार्फत टोलीलाइ ब्रेक थ्रु दिलाएका उनले ९०औं मिनेटमा अर्को गोल गरे । उनले दोस्रो गोल आफूसँगै मैदान प्रवेश गरेका फरवार्ड रुवेन भार्गासको पासमा गरेका थिए । भार्गस आफैले ८४औं मिनेटमा गोल गरेका थिए । जुन गोलपछि टोलीले २–० को अग्रता बनाएको थियो । भार्गसले गोल गर्नुअघि ८०औं मिनेटमा बोस्निया १० खेलाडीमा सीमित भएको थियो ।

पेनाल्टी बक्सबाहिर स्ट्राइकर ब्रील एम्बोलोलाई ट्याक्कल गरेपछि सेन्टरब्याक तारिक मुहारेमोभिकले रातो कार्ड खाए । एक खेलाडी कम भएपछि स्विट्जरल्यान्ड थप आक्रमक बनेको थियो । यही कारण मन्जाम्बीको व्यक्तिगत दोस्रो गोल सम्भव भएको थियो ।

यद्यपि बोस्नियाले इन्जुरी समयको तेस्रो मिनेटमा सान्त्वना गोल फर्कायो । कर्नरलाई सदुपयोग गरेका एर्मिन माहमिकले शक्तिशाली प्रहारमा ग्रेगोर कोबलाई बिट गरे । तर, स्विट्जरल्यान्डको अन्तिम गोल आउन अझै बाँकी थियो ।

भार्गास र मन्जाम्बीसँगै मैदानमा प्रवेश गरेका मिडफिल्डर जिब्रिल सोलाई विपक्षी मिडफिल्डर अमार मेमिकले फउल गरेपछि स्विट्जरल्यान्डले पेनाल्टी पाएको थियो । जसलाई कप्तान ग्रानिट जाकाले सदुपयोग गरे । उनले पहिलो बारमा गोलकिपर निकोला भासिलिजलाई बिट गरे ।

जितसँगै स्विट्जरल्यान्ड चार अंकसहित समूहको शीर्ष स्थानमा उक्लिएको छ । यसअघि आफ्नो पहिलो खेलमा टोली कतारसँग १–१ को बराबरीमा रोकिएको थियो । बोस्नियाको एक अंक छ । यसअघि बोस्नियाले पनि सह–आयोजक क्यानडासँग १–१ कै नतिजा आत्मसात गरेको थियो ।

सम्बन्धित समाचार

संघीय सरकारका कारण राष्ट्रिय खेलकुद प्रतियोगिता अलमलमा : मुख्यमन्त्री कँडेल

यु-१९ महिला राष्ट्रिय क्रिकेटः कर्णाली दोस्रोपटक पराजित

फिफा विश्वकपः मोरक्कोसँग बराबरीमा रोकियो ब्राजिल

‘मिस्टर महानगर’को उपाधि सगेन्द्रलाई

नेदरल्यान्डलाई जापानले २–२ को बराबरीमा राक्यो

आइभरी कोस्टका लागि ९० औं मिनेटमा निर्णायक गोल, इक्वेडर स्तब्ध

विश्वकप फुटबलः स्पेन र केप भर्डेलबीचको खेल गोलरहित बराबरी

केप भार्डे, जसले विश्व चकित बनायो