आरबी कम्प्लेक्सको अण्डरग्राउण्डमा करोडौँको अवैध भेपको गोदाम, प्रहरीको छापापछि खुल्यो पोल

लामो समयदेखि भन्सार र राजश्व नतिरेरै भेपको अवैध व्यापार गर्दै आएका ललितपुरको महालक्ष्मी नगरपालिका–८ का नविन खड्कालाई प्रहरीले नियन्त्रणमा लिएको छ । नेपालमा भेपको व्यापार प्रतिबन्ध छ । तर, खड्काले निर्बाध रूपमा भेपको अवैध कारोबार गर्दै आएको प्रहरीले जनाएको छ ।

खड्काले काठमाडौंको खिचापोखरीस्थित आरबी कम्प्लेक्सको अण्डरग्राउण्डमा स्माइल योर च्वाईस नामक पसल सञ्चालन गर्दै आएका थिए । उनले गोदामको रूपमा कम्प्लेक्सकै अर्को भवनमा दुई वटा कोठा प्रयोग गर्दै आएका थिए ।