ट्रम्पसँग सम्बन्ध सुधार्न ‘फ्याक्ट चेक’हटाउँदै मेटा

काठमाडौं । फेसबुक तथा इन्स्टाग्रामलाई फ्याक्ट चेकर्सबाट छुटकरा मिलेको छ । मेटाले फेसबुक र इन्स्टाग्राममा स्वतन्त्र तथ्य जाँचकर्ताको उपयोग बन्द गरेर त्यसको साटो एक्स शैलीमा ‘कम्युनिटी नोट्स’राख्ने तयारी गरेको छ ।

जहाँ पोष्टको सटिकतामाथि टिप्पणी गर्ने जिम्मा उपयोगकर्तालाई छोडिएको छ । मंगलबार कम्पनीले एक ब्लग पोष्टसँगै पोष्ट गरेको भिडियोमा प्रमुख कार्यकारी मार्क जुकरबर्गले भनेका छन्, ‘तेस्रो पक्षको मोडरेटर अधिक राजनीतिक रुपमा पक्षपाती थिए । र, यो हाम्रा लागि फिर्तिको समय हो ।’