अमेरिकन म्युजिक अवार्डमा लगातार दोस्रो पटक बीटीएसलाई ‘आर्टिस्ट अफ द इयर’ अवार्ड

वाशिङटन डीसी । दक्षिण कोरियाली के–पप समूह बीटीएसले अमेरिकन म्युजिक अवार्डमा लगातार दोस्रो पटक ‘आर्टिष्ट अफ दि इयर’ अवार्ड जितेको छ । यो अवार्ड समारोहको सबैभन्दा ठुलो सम्मान मानिन्छ । यसपटक बीटीएसले टेलर स्विफ्ट, ब्रुनो मार्स, ब्याड बन्नी टाईफ लेडी गागाजस्ता चर्चित कलाकारलाई पछि पार्दै सो उपाधि जितेको हो ।

लगभग चार वर्षको विश्रामपछि मार्चमा पुनः सक्रिय भएको बीटीएस अहिले विश्व भ्रमणमा छ । करिब एक अर्ब डलर मूल्यको विश्व टुर गरिरहेको समूहलाई अहिले विश्वकै सबैभन्दा प्रभावशाली संगीत समूहहरूमध्ये एक मानिन्छ । यस वर्ष बीटीएसले ‘सङ अफ दि समर’ अवार्ड पनि जित्यो । यो सम्मान उनीहरूको एल्बमको मुख्य गीत स्विमलाई प्रदान गरिएको हो । बीटीएसको लेबल पार्टनर क्याट्सेलाई ‘न्यू आर्टिष्ट अफ दि इयर’ उपाधि दिइएको छ ।