काराबाओ कपको सेमिफाइनल पहिलो लेगमाआर्सनल हार्‍यो

काठमाडौं । प्रिमियर लिगको शीर्ष क्लब आर्सनलले इएफएल अर्थात् काराबाओ कपको सेमिफाइनल पहिलो लेग गुमाएको छ । मंगलबार राती भएको इमिरेट्स स्टेडियममा भएको पहिलो लेग न्यूक्यासल युनाइटेडले २–० ले आफ्नो पक्षमा पार्‍यो ।

न्यूक्यासलका लागि एलेक्जेन्डर इसाक र एन्थोनी गोर्डनले गोल गरे । न्यूक्यासलले कहिल्यै यो प्रतियोगिता जितेको छैन । तर, आउँदो फेब्रुअरी ५ मा सेन्ट जेम्स पार्कमा हुने दोस्रो लेगमा जित हासिल गरे वा गोल अन्तरमा माथि रहे न्यूक्यासलका लागि तीन सिजनमा दोस्रो फाइनल हुनेछ ।