संसदमा प्रश्न- ‘जीबी राई कहिले पक्राउ पर्छन् सरकार ?’

काठमाडौं — प्रतिनिधिसभामा मंगलवार श्रम संस्कृति पार्टीका सांसद आरेन राईले फरार रहेका जीबी राईको पक्राउबारे सरकारसँग स्पष्ट जवाफ माग गरेका छन्।

बैठकमा बोल्दै सांसद राईले जीबी राई कहिले पक्राउ पर्छन् भन्ने प्रश्न उठाउँदै राज्यको सुरक्षा संयन्त्रप्रति नै गम्भीर प्रश्न खडा हुने अवस्था आएको टिप्पणी गरे।

सांसद राईले सहकारीपीडितहरूको रकम सरकारी कोषबाट उपलब्ध गराउने तयारी भइरहेको हो कि होइन भन्ने विषयमा पनि स्पष्टता माग गरेका छन्।

उनका अनुसार सहकारीपीडितहरूको न्याय सुनिश्चित गर्न ढिलाइ भइरहेको भन्दै सरकारलाई तत्काल ठोस कदम चाल्न आग्रह गरिएको छ।