१ रुपैयाँको विवादले पेट्रोल पम्पमा झडप, पैसा माग्ने कर्मचारीमाथि निर्घात कुटपिट

भारतको गाजियाबादस्थित मुरादनगर प्रहरी चौकी क्षेत्रबाट एउटा स्तब्ध पार्ने र क्रूर घटना सार्वजनिक भएको छ। भिक्कानपुरको नायरा पेट्रोल पम्पमा केवल एक रुपैयाँको भुक्तानीलाई लिएर भएको विवादले हिंसात्मक रूप लिँदा एक जना कर्मचारी गम्भीर घाइते भएको भारतीय सञ्चार माध्यम आजतक जनाएको छ ।

सामाजिक सञ्जालमा द्रुत गतिमा भाइरल भइरहेको सीसीटीभी फुटेजले घटनाको गम्भीरता र अभियुक्तहरूको क्रूरतालाई स्पष्ट पारेको छ।

समाचारअनुसार २० मे २०२६ को साँझ, पेट्रोल पम्पका विक्रेता रिंकुले ग्राहकसँग बाँकी रहेको १ रुपैयाँ मागेका थिए। यही सानो विषयलाई लिएर शुरू भएको विवादले उग्र रूप लियो । धम्की दिएर गएको केही समयपछि नै अभियुक्तहरू ठूलो समूह लिएर पेट्रोल पम्पमा फर्किएका थिए।

मथुरापुर गाउँका मुखिया झब्बर सिंह, उनका भाइ अनुज, उनका भतिजा र अन्य केही व्यक्तिहरूले मिलेर सेल्सम्यान रिंकुलाई घेरे र निर्ममतापूर्वक कुटपिट गर्न थाले।

अचानक भएको साङ्घातिक आक्रमणमा सेल्सम्यान रिंकु गम्भीर घाइते भएका छन् । आक्रमणलगत्तै सम्पूर्ण अभियुक्तहरू घटनास्थलबाट फरार भएका थिए।

सम्पूर्ण घटना पेट्रोल पम्पमा जडान गरिएको सीसीटीभी क्यामेरामा कैद भएको थियो। भिडियो भाइरल भएपछि र पीडितको उजुरीका आधारमा, प्रहरीले २४ मे २०२६ मा औपचारिक रूपमा मुद्दा दर्ता गरेको छ।

फरार रहेका उनीहरूको तीव्र रूपमा खोजी भइरहेको प्रहरीले जनाएको छ।