जीतपुरसिमरा गोल्डकप : आयोजक नव जनजागृति अन्तिम चारमा

बारा — बाराको सिमरामा जारी १५औं जितपुर सिमरा गोल्डकपअन्तर्गत शनिबार भएको दोस्रो दिनको प्रतियोगितामा मोहित गुरुङको एक मात्र निर्णायक गोलको मद्दतमा आयोजक नव जनजागृति युवा क्लब सिमरा सेमीफाइनलमा प्रवेश गरेको छ ।

मकवानपुर हेटौंडाको टोली एन्फा मकवानपुरलाई चकित पार्दै मोहितले ८५ औं मिनटमा गोल गर्न सफल भएका थिए । कर्नर एरियाबाट मोहितले हानेको लङ्ग रेन्ज बलले सिधै गोलमा परिणत भएको थियो । हेटौंडाका गोल रक्षक टोपबहादुर रानाले बचाउको लागि कुनै चाल नै पाएनन् ।