गल्फ कप : ओमानले कतारलाई हरायो, युएई कुवेतसँग स्तब्ध

काठमाडौं । गल्फ कप इन्टरनेशनलको समूह ‘ए’मा ओमानले कतारलाई हराएको छ भने कुवेतले युनाइटेड अरब इमिरेट्स (युएई)लाई स्तब्ध तुल्याएको छ । ओमानले घरेलु मैदानमा भएको खेलमा कतारलाई २-१ ले हराउँदा कुवेतले अवे मैदानमा युएईलाई २-१ ले नै हराएको हो ।

ओमानलाई विजयी गराउन दुबै गोल अल साबीले गर्दा कुवेतलाई जिताउन दाहम र असाइमा ले गोल गरेका हुन् । समूह चरणका दुई खेल सकिँदा कुवेत अंक तालिकाको शीर्ष स्थानमा रहँदै अघिल्लो चरण प्रवेशको ढोकामा छ भने ओमान समेत समान ४ अंक बटुलेर शीर्ष दुईभित्र सुरक्षित छ ।