सुडानमा दुई दिनको लडाइँमा ५० भन्दा बढीको मृत्यु

कस्सला । एक अर्धसैनिक कमान्डर सेनामा भागेपछि आइतबारदेखि अल–जजिरा राज्यमा भएको झडपमा ५० भन्दा बढी मानिसको मृत्यु भएको छ ।

मध्य सुडानका स्थानीय कार्यकर्ताहरूका अनुसार राज्यको राजधानी वाद मदानीमा एक मस्जिदमा भएको सैन्य हवाई आक्रमणमा ३१ जनाको मृत्यु भएको युद्धग्रस्त देशभर सहायता समन्वय गर्ने सयौँ स्वयंसेवी समूहमध्ये एक स्थानीय प्रतिरोध समितिले जनाएको छ ।