देश बनाउने कुरा धेरै सुनियो, अब योजना र सक्षमता जोखेर निर्णय गरौँ: निर्देशक बस्नेत

काठमाडौँ। कलाकार तथा चलचित्र निर्देशक निश्चल बस्नेतले देश बनाउने नाराभन्दा अघि योजना, काम गर्ने योग्यता र समाधान दिन सक्ने नेतृत्व छान्नुपर्नेमा जोड दिएका छन् । शुक्रबार सामाजिक सञ्जाल फेसबुकमार्फत उनले ‘नयाँ’ हुनु मात्र पर्याप्त नभई सक्षमता र योग्यता पनि गम्भीर रूपमा मूल्यांकन गर्नुपर्ने बताएका हुन् ।

बस्नेतले आफ्नो पोस्टमा जनताकै हातमा जनादेश रहने भएकाले सोचविचार गरेर निर्णय गर्न आग्रह गरेका छन् । वर्तमानमा गरिने गलत निर्णयको असर भविष्य खोजिरहेका आउने पुस्ताले भोग्न नपरोस् भन्ने चेतावनीसमेत उनले दिएका छन् ।