वीर अस्पतालका सेवाग्राहीको गुनासो– सोधपुछ कक्षकै कर्मचारी झर्किन्छन्

काठमाडौँ । उपचारका लागि वीर अस्पतालमा आउने बिरामीसँग सोधपुछ कक्षकै कर्मचारी झर्किने गरेको गुनासो सेवाग्राहीले गरेका छन् । अस्पतालमा आफूले नबुझेको विषयमा सोधपुछ गर्दा सोधपुछ कक्षमा बस्ने कर्मचारी नबोल्ने, झर्किने लगायत लापरबाही प्रतिक्रिया दिने गरेको वीर अस्पतालमा भेटिएका बागलुङका शिखर थापाले बताए ।

‘आफूलाई जानकारी नभएको विषयमा बुझ्न सोधपुछ कक्षमा जाँदा कर्मचारी भेटिँदैनन्,’ उनले भने, ‘कर्मचारी भेटिए पनि बोल्न मान्दैनन्, बोले पनि झर्किन्छन् ।’