सेन्चुरी बैङ्कका तत्कालीन अध्यक्षसहित आठ जना पक्राउ

काठमाडौँ, जेठ २९ गते ।

धितो मूल्याङ्कनभन्दा बढी ऋण प्रवाह गरेको आरोपमा नेपाल प्रहरीको केन्द्रीय अनुसन्धान ब्युरो (सिआइबी) ले सेन्चुरी बैङ्कका तत्कालीन अध्यक्षसहित आठ जनालाई पक्राउ गरेको छ । पक्राउ पर्नेमा सेन्चुरी बैङ्कका तत्कालीन अध्यक्ष राजेशकुमार श्रेष्ठ (भोजपुर), सञ्चालक समितिका सदस्य सुनीलकुमार न्यौपाने (दैलेख) र प्राडा गीता प्रधान (ललितपुर, झम्सीखेल) रहेका छन् ।