मुख्य सामग्रीमा जानुहोस्

समाचार

स्वास्थ्य

बुवाआमालाई सास्ती

annapurnapost.com · Thu Jul 29 05:49:00 GMT 2021

जेष्ठ नागरिक आफैं श्रम गर्न सक्दैनन्। बुढेसकालमा शरीरमा बल हराएको हुन्छ। यो समय हरेक कुराको सहारा अरूसँग लिनुपर्ने बाध्यता हो। रोगले पनि यसै उमेरमा बढी सताउँने हुँदा औषधि सेवन गर्नैपर्छ। क्रियाशील उमेर सकिएर बसेर दिन बिताउनुपर्ने र परिवारका अन्य सदस्यको इसारामा चल्नुपर्ने हुँदा सबै कुरा आफूले सोचेको र चाहेको जस्तो पनि हुँदैन। त्यसैले जेष्ठ नागरिकले पीडाको महसुस पनि गर्छन्। वृद्धवस्थाको पीडालाई कम गर्न र उनीहरूको मुहारमा केही भए पनि मुस्कान छर्न राज्यले ‘सामाजिक सुरक्षा’ भत्ता दिँदै आएको छ। यो समयानुकूल बढाउँदै पनि लगेको छ।

भत्ता बुढेसकालको जिउने सहारा पनि हो। भत्ता पाए केही खान मन लागेको कुरा किन्न पनि अरूको भर पर्नुपर्दैन। कति बुवा–आमाले त यसबाटै आफूलाई आवश्यक पर्ने औषधिको जोहो पनि गर्नुहुन्छ। तर, अहिले जेष्ठ नागरिकले भत्ता लिन सास्ती भोग्नु परेको छ। यसकै लागि बुढेसकालको कमजोर शरीर घाम र झरीमा रुझाउनुपर्ने बाध्यता छ। यो समस्या बैंकबाट भत्ता दिन सुरु गरेपछि झनै बढेको हो। बैंकको पहुँच सबै स्थानमा हुँदैन। भए पनि भीड र चापले सामान्य उमेरका नागरिकलाई त सेवा लिन गाह्रो पर्छ, झनै जेष्ठ नागरिकले भीड र लाइन बसेर भत्ता झिक्नुपर्दा पीडामाथि पीडा थपिएको छ। यसअघि स्थानीय सरकारमार्फत वितरण हुने भत्तामा पनि बेला–बेला असहज थियो। कहिले कर्मचारीले दुरूपयोग गरेदेखि कहिले बैंकका समस्याहरू जेष्ठ नागरिकले भोगे। पछिल्लो समयमा बैंकमार्फत भुक्तानी गरिँदै आएको भत्तामा पनि सहजता छैन। स्थानीय सरकारले वृद्ध भत्ता प्रदान गर्न बैंक फेर्दा जेष्ठ नागरिकलाई अर्को झन्झट थपिएको छ। एक बैंकमा खाता खोली प्रक्रिया सुरु गरिसकेपछि फेरि त्यही प्रक्रिया अर्को बैंकमा गर्नुपर्ने र भत्ता लिने अवस्था आउँदा अप्ठ्यारो पारेको हो।

स्रोतमा पूरा पढ्नुहोस् (annapurnapost.com)