चिलिमे सुरुङभित्र फसेका व्यक्ति सकुशल रहेको आशा छ : कुलमान घिसिङ

काठमाडौँ- उज्यालो नेपाल पार्टीका अध्यक्ष एवं पूर्वऊर्जामन्त्री कुलमान घिसिङले चिलिमे जलविद्युत केन्द्रको भूमिगत विद्युतगृहमा फसेका कर्मचारीको उद्धार कार्य भइरहेको बताएका छन्।

सामाजिक सञ्जालमार्फत घिसिङले आफू उद्धार कार्यमा सहभागी भएको जानकारी दिँदै चिलिमे जलविद्युत कम्पनीको पूर्वप्रबन्ध निर्देशकका रूपमा विद्युतगृह सञ्चालनको अनुभवका आधारमा उद्धार टोलीलाई आवश्यक प्राविधिक सुझाव, समन्वय र सहजीकरण गरिरहेको बताएका हुन्।