स्विट्जरल्याण्डमा हुने अमेरिका–इरान वार्ता अचानक किन भयो रद्द ?

अमेरिका : अमेरिका र इरानबीच शुक्रबार हुने भनिएको १४–बुँदे सम्झौता कार्यान्वयनसम्बन्धी वार्ता अचानक रद्द गरिएको स्विट्जरल्याण्डको विदेश मन्त्रालयले जनाएको छ । यो वार्ता इरानको आणविक कार्यक्रमसम्बन्धी स्थायी समझदारी र होर्मुज जलडमरूमध्य हुँदै तेल ढुवानी पुनः सुरु गर्ने उद्देश्यसहित सुरु भएको ६०–दिने वार्ता अवधिको बीचमा हुने तय गरिएको थियो ।

वार्ता शुक्रबार स्विट्जरल्याण्डको सानो गाउँ ओब्बुर्गेनमा सुरु हुने तय थियो, तर दुई दिनअघि मात्रै अमेरिका र इरानबीच समझदारीपत्रमा हस्ताक्षर भएको थियो । ह्वाइट हाउसले अमेरिका ‘छिट्टै प्राविधिक वार्ता सुरु गर्न उत्सुक’ रहेको बताउँदै वार्ता टोलीका प्रमुख जेडी भान्स अब स्विट्जरल्याण्ड नजाने जनाएको छ ।