सोलुखुम्बुको हुङ्गा खोलामा पहिरो खसेर १०० मिटर लामो ड्यामबाट पानी बग्न थाल्यो

काठमाडौं । सोलुखुम्बुको महाकुलुङ गाउँपालिका–२ र ४ को बीचमा पर्ने हुङ्गा खोलामा पहिरो खसेर ड्याम बनेपछि नदी तटीय क्षेत्रमा सतर्कता अपनाउन आग्रह गरिएको छ ।

भदौ २६ गते बिहान करिब ७ बजे महाकुलुङ गाउँपालिका–२ तर्फ गौरीशंकर हाइड्रोपावरको हेड अफिसबाट करिब १०० मिटर तल करिब ३५ मिटर अग्लो पहिरो खसेको हो । पहिरो खसेपछि खोलामा करिब १०० मिटर लामो र १५ मिटर अग्लो ड्याम बनेको प्रहरीले जनाएको छ ।