इन्फिनिक्सः ‘क्याजुअल’ देखि ‘प्रो–गेमिङ’ सम्म नेपालमा शीर्ष गेमिङ स्मार्टफोन

काठमाडौँ। नेपालमा मोबाइल गेमिङको लोकप्रियता पछिल्ला वर्षहरूमा तीव्र गतिमा बढिरहेको छ। पहिले फुर्सदमा खेलिने साधारण गतिविधिका रूपमा सीमित मोबाइल गेम आज ईस्पोर्ट्स, डिजिटल प्रतिस्पर्धा र ठूलो समुदाय निर्माणको माध्यम बनेका छन्। यही बदलिँदो प्रवृत्तिसँगै इन्फिनिक्स नेपालमा सबैभन्दा छिटो उभिएको गेमिङ स्मार्टफोन ब्रान्डका रूपमा स्थापित हुन सफल भएको छ।

‘पब्जी’, ‘फ्री फायर’, ‘एमएलबीबी’ जस्ता खेलको विस्तारसँगै नेपाली गेमरहरूले उच्च फ्रेम–रेट, बलियो ब्याट्री लाइफ र कम तात्ने फोनको माग बढाएका छन्। यही आवश्यकतालाई ध्यानमा राख्दै इन्फिनिक्सले विशेष रूपमा गेमिङ–केन्द्रित मोडेलहरू नेपाली बजारमा ल्याउन थालेको हो। जीटी ३० प्रो, हट ६० प्रो जस्ता मोडेलहरूले उत्कृष्ट डिस्प्ले, शक्तिशाली चिपसेट र डुअल स्पिकरमार्फत कन्सोल–जस्तै गेमिङ अनुभव प्रदान गर्दै लोकप्रियता कमाएका छन्।