आफूसँग असीमित अधिकार रहेको भन्दै ट्रम्पले लगाए फुर्ती, इरानलाई घुँडा टेकाएको दाबी

एजेन्सी । अमेरिकाका राष्ट्रपति डोनल्ड ट्रम्पले एक्सियोस सञ्चारमाध्यमसँगको अन्तर्वार्तामा आफूसँग असीमित अधिकार रहेको दाबी गर्दै इरानसँग भएको सम्झौतालाई तेहरानको विना शर्त आत्मसमर्पण भएको जिकिर गरेका छन् ।

हर्मुज जलसन्धि बन्द गराएको र विश्वव्यापी ऊर्जा बजारलाई त्रसित बनाएको साढे तीन महिना लामो द्वन्द्वपछि अमेरिका र इरानले बिहीबार सम्झौतामा हस्ताक्षर गरेका हुन् । ट्रम्पले बिहीबार साँझको अन्तर्वार्तामा यस द्वन्द्वले विश्वव्यापी आर्थिक मन्दी निम्त्याउन नदिन आफूले सम्झौताका लागि वार्ता गरेको बताए ।