विश्वविद्यालयको उपकुलपति नियुक्तिमा प्रधानमन्त्रीको हस्तक्षेप हुनु आपत्तिजनक : एमाले

प्रतिपक्ष दल नेकपा (एमाले)का सांसद गुरुप्रसाद बरालले सरकारले विश्वविद्यालयहरूको उपकुलपति नियुक्ति कुलपतिले गर्ने हस्तक्षेपकारी प्रबन्ध गरेको भन्दै आपत्ति जनाएका छन्।

शुक्रबार बसेको प्रतिनिधिसभा बैठकमा सरकारले हालै विश्वविद्यालयका उपकुलपतिहरूको छनोट र सिफारिसको सन्दर्भमा ल्याएको एकीकृत कार्यविधि, २०८३ मा विश्वविद्यालयको कुलपति रहेका प्रधानमन्त्रीको हस्तक्षेपमा उपकुलपतिहरू निर्णय गर्ने हस्तक्षेपकारी प्रबन्ध गरेको भन्दै उनले आपत्ति जनाएका हुन्।