बजेट दलाल र बिचौलिया केन्द्रित भयो, यथास्थितिमा पारित हुँदैन : नेकपा

धनगढी । सुदूरपश्चिम प्रदेशको प्रमुख प्रतिपक्षी दल नेपाल कम्युनिष्ट पार्टी (नेकपा) ले प्रदेश सरकारले प्रस्तुत गरेको आगामी आर्थिक वर्षको बजेट यथास्थितिमा पारित हुन नसक्ने जिकिर गरेको छ ।

शुक्रबार आयोजित पत्रकार सम्मेलनमा नेकपा संसदीय दलका नेता खगराज भट्टले प्रदेश सरकारले ल्याएको बजेट इतिहासकै कमजोर, अपारदर्शी र जनविरोधी रहेको बताए । बजेटलाई ‘दलाल र बिचौलिया केन्द्रित’ भएको उनको आरोप छ ।