बिरामी छन् लियोनल मेसीका पिता, मृत्युको हल्लापछि परिवारले जारी गर्‍यो विज्ञप्ति

ब्युनस आयर्स । अर्जेन्टिनी फुटबल सुपरस्टार लियोनल मेसीका पिता होर्खे मेसी स्वास्थ्य समस्याबाट गुज्रिरहेको उनका परिवारले जनाएको छ । बिहीबार जारी गरिएको एक वक्तव्यमा परिवारले होर्खे मेसी हाल चिकित्सकीय निगरानीमा रहेको र स्वास्थ्य अवस्था क्रमशः सुधार भइरहेको जानकारी दिएको छ ।

विज्ञप्तिमा उनको स्वास्थ्य समस्याको प्रकृति वा अवस्था सम्बन्धी थप विवरण सार्वजनिक गरिएको छैन । परिवारले विभिन्न अफवाह, अनुमान र अपुष्ट समाचारहरूबाट टाढा रहन आग्रह गर्दै गोपनीयताको सम्मान गर्न अनुरोध गरेको छ ।