विश्वकप छनोटमा पहिलो जितको खोजीमा नेपाल, आज अमेरिकासँग भिड्दै

जिम्बाब्वेमा जारी आइसिसी एकदिवसीय विश्वकप छनोटमा नेपालले दोस्रो खेलमा आज अमेरिकाको सामना गर्दैछ । समूह ‘ए’ मा रहेका नेपाल र अमेरिकाबीचको खेल दिउँसो १२ः४५ देखि ताकाशिंगा स्पोर्ट्स क्लबमा सुरु हुनेछ ।

प्रतियोगितामा दुवै टोली पहिलो जितको खोजीमा छन् । नेपाल पहिलो खेलमा जिम्बाब्वेसँग ८ विकेटले पराजित भएको थियो । जिम्बाब्वेविरुद्ध ब्याटिङमा राम्रो गरेको नेपाल बलिङमा भने चुक्यो ।