१३ जिल्लाको खानेपानी सुधारमा एडिबीको ११.५ करोड डलर सहयोग

काठमाडौं ।

एसियाली विकास बैंक (एडिबी) ले नेपालका १३ जिल्लामा खानेपानी र सरसफाइ सेवा सुधारका लागि ११ करोड ५० लाख अमेरिकी डलर बराबरको सहुलियत ऋण स्वीकृत गरेको छ।

एकीकृत खानेपानी आपूर्ति तथा ढल व्यवस्थापन परियोजनाबाट ८ लाख ५० हजारभन्दा बढी नागरिक लाभान्वित हुने जनाइएको छ। परियोजनाले खानेपानीको पहुँच बढाउनुका साथै ढल तथा फोहरपानी व्यवस्थापनलाई थप प्रभावकारी बनाउने अपेक्षा गरिएको छ।