हङकङ आगलागीः मृतकको संख्या ३६ पुग्यो

काठमाडौँ। हङकङको ‘वाङ फुक कोर्ट’ आवासीय भवनमा भएको भीषण आगलागीमा मृत्यु हुनेको संख्या बढेर ३६ पुगेको छ। हङकङका प्रमुख कार्यकारी जोन लीले पछिल्लो पत्रकार सम्मेलनमा कम्तीमा २७९ जना अझै बेपत्ता रहेको जानकारी दिए।

बुधबार दिउँसो करिब २ः५१ बजे सल्किएको आगोका कारण भवनभरि घना धुवाँ फैलिएको थियो। प्रारम्भिक उद्धारका क्रममा १३ जनाको मृत्यु पुष्टि भएकोमा पछिल्ला विवरण अनुसार मृतकको संख्या उल्लेखनीय रूपमा बढेको हो।