कांग्रेसको नेतृत्व पुस्तान्तरणले अरू दलहरूमा पनि सकारात्मक प्रभाव पारोस्: बाबुराम भट्टराई

काठमाडौँ । निर्वाचन आयोगले नेपाली कांग्रेसको नयाँ नेतृत्वलाई औपचारिक मान्यता दिएसँगै पूर्वप्रधानमन्त्री डा. बाबुराम भट्टराईले कांग्रेसमा भएको विधिसम्मत नेतृत्व पुस्तान्तरणको स्वागत गरेका छन् ।

शुक्रबार सामाजिक सञ्जाल फेसबुकमार्फत प्रतिक्रिया जनाउँदै भट्टराईले देशको उदारवादी लोकतान्त्रिक धार बोकेको पुरानो पार्टी कांग्रेसमा सम्पन्न नेतृत्व परिवर्तनलाई सकारात्मक कदमको रूपमा उल्लेख गरेका हुन् । उनले कांग्रेसको यो विधिसम्मत नेतृत्व पुस्तान्तरणले अन्य राजनीतिक दलहरूमा पनि सकारात्मक प्रभाव पारोस् भन्ने अपेक्षा व्यक्त गरेका छन् ।