सुदूरपश्चिम बजेटमा नेकपा : बिचौलिया र कार्यकर्तामुखी भएकोले पास हुन दिँदैनौं

५ असार, धनगढी । प्रमुख प्रतिपक्षी दल नेपाली कम्युनिस्ट पार्टी (नेकपा) ले सुदूरपश्चिम प्रदेश सरकारले ल्याएको अगामी आर्थिक वर्ष २०८३/८४ को बजेट फेल गराउने चेतावनी दिएको छ । प्रदेश सरकारले ल्याएको बेतिथिपूर्ण बजेट सबै तागत लगाएर फेल गर्ने चेतावनी नेकपाले दिएको हो ।

शुक्रबार प्रदेशसभामा आयोजना गरिएको पत्रकार सम्मेलनमा बोल्दै नेकपा संसदीय दलका नेता खगराज भट्टले सबै तागत लगाएर बजेट फेल गर्ने बताउँदै त्यसमा सहयोग गर्न सबैलाई अपिल गरेका छन् । प्रतिपक्षी दलसँग गरेका प्रतिबद्धता, आफैंले बनाएका मापदण्डविपरीत विगत जस्तै योजना खरिद–बिक्री गर्दै बजेट ल्याएकाले सभाबाट पारित हुन नदिने भट्टले बताए ।