कोशीका मन्त्रीको निवासमा मध्यरात किन पुग्यो प्रहरी ?

विराटनगर । कोशी प्रदेशका आन्तरिक मामिला तथा कानुनमन्त्री इन्द्रमणि पराजुलीको विराटनगरस्थित निवासमा बिहीबार राति प्रहरी पुगेको विषय अहिले देशव्यापी चर्चा छ । धनकुटाबाट निर्वाचित एमाले सांसद राजेन्द्र राईले पनि आजको संसदमा यो विषयमा कुरा उठाएका थिए ।

करिब ११ बजे विराटनगर-३ स्थित मन्त्री पराजुलीको सरकारी निवासमा प्रहरीको टोली पुगेको थियो । मन्त्री पराजुली भने निवासमा थिएनन् । पराजुलीले आफू संखुवासभा गएको बेला प्रहरी निवासमा गएको बताए ।