बैंकको पुँजी उत्पादनमा गएको भए अर्थतन्त्र बलियो हुन्थ्यो : अर्थमन्त्री

काठमाडौं- बजारमा लगानीको वातावरण बन्न नसकेको अवस्थामा अर्थमन्त्री डा स्वर्णिम वाग्लेले नेपालको बैंकिङ प्रणालीमा पर्याप्त पुँजी भए पनि त्यसलाई उत्पादनमूलक क्षेत्रमा परिचालन गर्न नसक्दा अर्थतन्त्रले अपेक्षित गति लिन नसकेको बताएका छन्। बैंकमा थुप्रिएको पुँजी घरजग्गा र सेयर बजारको सट्टेबाजीमा केन्द्रित हुनुको सट्टा उद्योग, उत्पादन र रोजगारी सिर्जना गर्ने क्षेत्रमा गएको भए अर्थतन्त्र अझ सुदृढ हुने उनको भनाइ छ।

नेपाल आर्थिक पत्रकार समाजको २८औँ वार्षिक साधारणसभालाई शुक्रबार सम्बोधन गर्दै अर्थमन्त्री वाग्लेले अहिलेको मुख्य समस्या पुँजीको अभाव नभई लगानीका लागि विश्वास र अनुकूल वातावरणको अभाव भएको बताए।