सोल्मा वडाकप पुरूष फुटबलको उपाधि महादेवस्थानलाई

खोटाङ । पाँचौँ संस्करणको ‘सोल्मा अन्तरवडास्तरीय पुरूष फुटबलको उपाधि हलेसी तुवाचुङ नगरपालिका-७ महहादेवस्थानले जितेको छ । दिक्तेल रूपाकोट मझुवागढी नगरपालिका-२ सोल्मास्थित क्लबको खेलमैदानमा सम्पन्न पाँचौँ संस्करणको फाइनल खेलमा दिक्तेल फुटबल एकेडेमी (केएफए)लाई ३-० गोलअन्तरले पराजित गर्दै महादेवस्थानले प्रथम उपाधि प्राप्त गरेको हो ।

प्रतियोगिताको पहिलो हाफमा दुई गोल गरेको महादेवस्थानले दोस्रो हाफमा पुनः एक गोल थप्दै पाँचौँ संस्करणको उपाधिमाथि कब्जा जमाएको थियो । प्रतियोगिता अवधिभर निकै दबाबमा परेको केएफएले निर्धारित समयमा महादेवस्थानविरूद्ध कुनै पनि गोल फर्काउन नसक्दा उपाधि चुम्नबाट चुकेको हो ।