कर्णालीका स्थानीय तहलाई प्रदेश सरकारको अनुदान वितरणमा स्वेच्छाचारिता

सुर्खेत । कर्णाली प्रदेश सरकारले आगामी आर्थिक वर्ष (२०८३/०८४) का लागि प्रदेशभित्रका स्थानीय तहलाई अनुदान हस्तान्तरण गरेको छ । प्रदेश सरकारले समानीकरण, सशर्त, विशेष र समपूरक अनुदान गरी चार वटा शीर्षकमा अनुदान बजेट उपलब्ध गराउँछ ।

अर्थ मन्त्रालयको ‘अन्तर सरकारी वित्तीय हस्तान्तरण’ प्रतिवेदन अनुसार आगामी वर्ष ५ अर्ब ५४ करोड ७२ लाख ८० हजार रुपैयाँ स्थानीय तहहरूलाई पठाइएको छ, जसमध्ये सबैभन्दा ठुलो हिस्सा प्रदेश राजधानी रहेको सुर्खेत जिल्लाले पाएको छ ।