हर्कराजले मागे महावीरसँग अबण्डा १० करोड रकम

काठमाडौँ । श्रम संस्कृति पार्टीका अध्यक्ष समेत रहेका प्रतिनिधि सभा सदस्य हर्कराज राईले विज्ञान, प्रविधि तथा नव प्रवर्तन मन्त्री महावीर पुनसँग धरानका विभिन्न योजना सम्पन्न गर्न रकम माग गरेका छन् ।

सांसद राईले विज्ञान, प्रविधि तथा नव प्रवर्तन मन्त्रालयलाई शुक्रबार पत्र लेख्दै धरान उपमहानगरपालिका वडा नं। १७ फोकल्याण्डमा प्रदेश स्तरीय नास्ट नेशनल एकेडेमी अफ साइन्स टेक्नोलोजी भवन निर्माण गर्न बजेट नरहेको भन्दै निर्माणाधीन भवनका लागि कम्तीमा १० करोड या सम्पन्न हुने गरी अबण्डा बजेटबाट उपलब्ध गराउन माग गरेका हुन् ।