लेबनानमा ४ इजरायली सेनाको मृत्यु

बेरुत । दक्षिणी लेबनानमा भएको एक शक्तिशाली आक्रमणमा ४ जना इजरायली सैनिकको मृत्यु भएको छ । यो पछिल्ला तीन महिनादेखिको युद्धमा इजरायली सेनाले भोगेको सबैभन्दा घातक घटना मानिएको छ ।

इजरायली रक्षा बल (आईडीएफ)का अनुसार सैनिकहरू मेरकावा ट्याङ्कमा कफर तेबनित क्षेत्र नजिक तैनाथ थिए, जहाँ सेनाले निरन्तर कारबाही गरिरहेको छ । सोही क्रममा हिज्बुल्लाहले विस्फोटक उपकरण प्रयोग गरी ट्याङ्कलाई निशाना बनाएको बताइएको छ, जसले ट्याङ्कभित्र रहेका चारै सैनिकको मृत्यु भएको हो ।