लेबनानमा इजरायली हवाई आक्रमण, १८ जनाको मृत्यु

बेरुत । इजरायलले दक्षिणी लेबनानमा गरेको नयाँ हवाई आक्रमणमा कम्तीमा १८ जनाको मृत्यु भएको छ भने दर्जनौँ घाइते भएका छन् ।

लेबनानको सरकारी न्यूज एजेन्सी नेसनल न्यूज एजेन्सी (एनएनए)का अनुसार रातभर भएका ती आक्रमणहरू निकै तीव्र र व्यापक थिए । रिपोर्टअनुसार नाबातिएह जिल्लाका जनघनत्व भएका क्षेत्रमा इजरायली सेनाले लगातार हवाई हमला गरेको हो। आक्रमणपछि धेरै क्षेत्रमा धुवाँको ठूलो मुस्लो देखिएको छ ।