कुकुरको बन्ध्याकरण शिविर सञ्चालन गर्दै हेटौँडा उपमहानगर

वागमती । मकवानपुरको हेटौँडा उपमहानगरपालिकाले उपमहानगर क्षेत्रभित्रका छाडा छोडिएका कुकुरको स्थायी बन्ध्याकरण शिविर तथा रेबिज रोगविरुद्धको खोप कार्यक्रम सञ्चालन गर्ने भएको छ ।

यही असार ८ गतेदेखि १० गतेसम्म हेटौँडाको थानभर्‍याङस्थित प्रादेशिक कृषि थोक बजार केन्द्र परिसरमा शिविर सञ्चालन गर्न लागिएको उपमहानगरपालिका आर्थिक विकास महाशाखा प्रमुख जगन्नाथ सापकोटाले जानकारी दिए ।