अरू नेता देश दौडाहामा, ओली पार्टी कार्यालयमा (तस्बिरहरू)

काठमाडौँ । नेकपा एमालेका धेरै नेताहरू देश दौडाहामा निस्केका बेला अध्यक्ष केपी शर्माओली भने पार्टी कार्यालयमा पुगेका छन् । चुनावी समीक्षा तथा पार्टी पुनर्गठनको समीक्षाका लागि उपाध्यक्ष रामबहादुर थापा, विष्णु पौडेल, पीएस गुरुङ तथा महासचिव शंकर पोखरेलसहितका नेताहरू जेठ ३० गतेदेखि देश दौडाहामा निस्केका हुन् ।

उनीहरू कोशी, लुम्बिनी, कर्णाली सुदूरपश्चिम हुँदै गण्डकी प्रदेशमा चुनावी समीक्षाका लागि हिँडेका हुन् । तर, अध्यक्ष ओली भने समीक्षा कार्यक्रममा भौतिक रूपमा सहभागी भएका छैनन् । बरु अरू नेताहरू जिल्ला तथा प्रदेशमा गएका बेला अध्यक्ष ओली भने शुक्रबार पार्टी कार्यालय च्यासल पुगेका छन् ।