ईजीपी प्रणाली अवरुद्ध हुँदा विकास निर्माणका काम प्रभावित, तत्काल सञ्चालनमा ल्याउन माग

काठमाडौँ। नेपाल सरकारको सार्वजनिक खरिद प्रक्रियालाई व्यवस्थित गर्ने विद्युतीय प्रणाली (ईजीपी) विगत दुई सातादेखि अनिश्चितकालका लागि बन्द गरिएकोप्रति नेपाल निर्माण उद्योग परिषद्ले गम्भीर ध्यानाकर्षण भएको जनाएको छ ।

परिषद्ले शुक्रबार एक प्रेस विज्ञप्ति जारी गर्दै ईजीपी प्रणाली केवल एउटा वेबसाइट मात्र नभई सार्वजनिक खरिदको महत्त्वपूर्ण डिजिटल पूर्वाधार भएकोले यसलाई तत्काल सुरक्षित र पूर्ण क्षमतामा सञ्चालनमा ल्याउन माग गरेको हो ।