नेपालमा सार्वजनिक भयो टीभीएस एनटर्क १२५ रेस एक्सपी ‘ब्लेज ब्लु’

काठमाडौं । नेपालका लागि टीभीएस दुईपांग्रे सवारीसाधनको आधिकारिक वितरक जगदम्बा मोटर्सले लोकप्रिय स्कुटर टीभीएस एनटर्क १२५ रेस एक्सपी (TVS NTORQ 125 Race XP) को नयाँ ‘ब्लेज ब्लु’ (Blaze Blue) रङ संस्करण नेपाली बजारमा सार्वजनिक गरेको छ।

बिहीबार काठमाडौंको बूढानीलकण्ठस्थित पार्क भिलेज रिसोर्टमा आयोजित विशेष कार्यक्रममा जगदम्बा मोटर्सका उपाध्यक्ष दीपक रौनियारले नयाँ स्कुटर सार्वजनिक गरेका हुन्। कार्यक्रममा ग्राहक, सञ्चारकर्मी, कन्टेन्ट क्रिएटर तथा मोटो भ्लगरहरूको उल्लेखनीय सहभागिता रहेको कम्पनीले जनाएको छ।

कम्पनीका अनुसार कार्यक्रममा ८० भन्दा बढी सञ्चारकर्मी, ५० भन्दा बढी कन्टेन्ट क्रिएटर तथा मोटो भ्लगरका साथै टीभीएसका ग्राहक र शुभेच्छुकहरूको उपस्थिति रहेको थियो। कार्यक्रममा नयाँ ‘ब्लेज ब्लु’ संस्करणको विशेषता र टीभीएस एनटर्क १२५ रेस एक्सपीको रेसिङ प्रेरित डिजाइन प्रस्तुत गरिएको थियो।

नयाँ टीभीएस एनटर्क १२५ रेस एक्सपी ब्लेज ब्लु विशेषगरी आकर्षक डिजाइन, उत्कृष्ट प्रदर्शन र दैनिक प्रयोगको सहजता खोज्ने युवा राइडरलाई लक्षित गरी ल्याइएको कम्पनीले जनाएको छ। आकर्षक निलो रङ, स्पोर्टी ग्राफिक्स, आधुनिक डिजाइन र दमदार रोड प्रेजेन्सले यस स्कुटरलाई अझ फरक बनाएको कम्पनीको दाबी छ।

टीभीएस रेसिङको प्रदर्शनमूलक डीएनएमा आधारित एनटर्क १२५ रेस एक्सपी आफ्नो शक्तिशाली प्रदर्शन र स्टाइलका कारण पहिलेदेखि नै लोकप्रिय रहेको उल्लेख गर्दै कम्पनीले नयाँ ब्लेज ब्लु संस्करणले त्यस पहिचानलाई अझ सशक्त बनाएको जनाएको छ। दैनिक यात्राका लागि उपयोगी हुनुका साथै यसले युवा पुस्ताको ऊर्जा र व्यक्तित्व झल्काउने कम्पनीको भनाइ छ।

स्कुटरमा परीक्षणअनुसार प्रतिलिटर ५० किलोमिटरसम्म माइलेज दिने क्षमता रहेको तथा लाइफटाइम वारेन्टीको सुविधा उपलब्ध गराइएको कम्पनीले जनाएको छ। यी सुविधाले ग्राहकलाई भरपर्दो स्वामित्व अनुभव प्रदान गर्ने विश्वास कम्पनीको छ।

स्कुटर सार्वजनिक गर्दै जगदम्बा मोटर्सका उपाध्यक्ष दीपक रौनियारले टीभीएस एनटर्कले प्रदर्शन, प्रविधि र आकर्षक डिजाइन रुचाउने युवा राइडरसँग बलियो सम्बन्ध स्थापित गरेको बताए। नयाँ ब्लेज ब्लु संस्करणले एनटर्कको पहिचानलाई थप सशक्त बनाउने विश्वास व्यक्त गर्दै उनले यो स्कुटर फरक शैली र ऊर्जावान जीवनशैली मन पराउने ग्राहकको रोजाइ बन्ने बताए।

कार्यक्रममा सहभागीहरूले नयाँ स्कुटरको डिजाइन, विशेषता तथा रेसिङ प्रेरित व्यक्तित्वलाई नजिकबाट अवलोकन गर्ने अवसर समेत पाएका थिए। सञ्चारकर्मी, कन्टेन्ट क्रिएटर, मोटो भ्लगर तथा ग्राहकहरूको सहभागिताले कार्यक्रमलाई थप उत्साहपूर्ण बनाएको कम्पनीले जनाएको छ।

जगदम्बा मोटर्सले नेपाली उपभोक्तालाई स्टाइलिस, उच्च प्रदर्शनयुक्त तथा युवा लक्षित सवारीसाधन उपलब्ध गराउने आफ्नो प्रतिबद्धतालाई यो सार्वजनिकरणले थप मजबुत बनाएको जनाएको छ। कम्पनीले टीभीएस ब्रान्डमार्फत नेपालभरका ग्राहकको बदलिँदो आवश्यकता अनुरूप मोटरसाइकल र स्कुटर उपलब्ध गराउँदै आएको छ।

देशभर फैलिएको आधिकारिक टीभीएस डिलर सञ्जालमार्फत ग्राहकले आफ्नो नजिकको शोरुममा पुगेर टीभीएस एनटर्क १२५ रेस एक्सपी ब्लेज ब्लुका विशेषता, उपलब्धता तथा स्वामित्वसम्बन्धी सुविधाबारे जानकारी लिन सक्ने कम्पनीले जनाएको छ।