राष्ट्रिय चलचित्र पुरस्कार : नीर शाह र मिरुना उत्कृष्ट कलाकार

काठमाडौँ । विशिष्ट कलाकार नीर शाह उत्कृष्ट अभिनेता घोषित भएका छन् । शुक्रबार राष्ट्रपति कार्यालय शीतल निवासमा आयोजित ‘राष्ट्रिय चलचित्र पुरस्कार तथा सम्मान समारोह २०८३’ मा शाहले फिल्म ‘परान’ अभिनयबाट उक्त पुरस्कार प्राप्त गरेका हुन् ।

सोही कार्यक्रममा उत्कृष्ट अभिनेत्रीको अवार्ड मिरुना मगरले जित्न सफल भइन् । फिल्म ‘उनको स्वीटर’ अभिनयका कारण उनले यो अवार्ड प्राप्त गरेकी हुन् । पुरस्कारमा फिल्म ‘उनको स्वीटर’ ले उत्कृष्ट फिल्मसहित तीन मुख्य विधामा वर्चस्व जमाउन सफल भएको छ । यसै फिल्मका निर्देशक नवीन चौहानले उत्कृष्ट निर्देशकको अवार्ड समेत प्राप्त गरे ।