दक्षिण भारतीय सुपरस्टार अल्लु अर्जुनलाई अदालतमा उपस्थित हुन आदेश

मुम्बई- दक्षिण भारतीय सुपरस्टार अल्लु अर्जुनको समस्या अझै सकिएको छैन। हैदराबादको नामपल्ली अदालतले ‘पुष्पा २’को प्रचारका क्रममा भएको भीडभाड र त्यससँग जोडिएको दुःखद घटनासम्बन्धी मुद्दामा उनलाई व्यक्तिगत रूपमा उपस्थित हुन आदेश दिएको छ। अदालतले आगामी जुन २२ मा सुनुवाइका लागि उपस्थित हुन भनेको हो ।

हैदराबादको चिक्कडपल्ली प्रहरीले अनुसन्धान पूरा गरेपछि अल्लु अर्जुनलाई उक्त मुद्दामा ११औँ अभियुक्त (ए–११) बनाएको छ। ‘सन्ध्या थिएटर’ व्यवस्थापनसँग सम्बन्धित व्यक्तिहरूलाई मुख्य अभियुक्त (ए–१ देखि ए–१०) बनाइएको छ। अदालतले यस घटनासँग सम्बन्धित अन्य १९ जनालाई समेत समन जारी गरेको छ।