बर्ड फ्लू संक्रमण पुष्टिभएपछि जावलाखेल चिडियाखाना बन्द

ललितपुरको जावलाखेलस्थित सदर चिडियाखाना बर्ड फ्लू संक्रमण देखिएपछि अनिश्चितकालका लागि बन्द गरिएको छ। चिडियाखानाभित्र रहेका जीवजन्तुमा संक्रमण पुष्टि भएपछि व्यवस्थापनले शुक्रबारदेखि सर्वसाधारणको प्रवेश पूर्ण रूपमा रोक लगाएको हो।

चिडियाखानाको व्यवस्थापन गरिरहेको राष्ट्रिय प्रकृति संरक्षण कोषले सूचना जारी गर्दै अर्को निर्णय नभएसम्म चिडियाखाना बन्द रहने जनाएको छ। कोषका अनुसार चिडियाखाना परिसरभित्र रहेका केही जीवजन्तुमा बर्ड फ्लू संक्रमण देखिएकाले सम्भावित स्वास्थ्य जोखिमलाई ध्यानमा राख्दै यो निर्णय गरिएको हो।