मन्त्रीको निवासमा छापा मारिएको विषयमा प्रहरीको प्रस्टीकरण

जिल्ला प्रहरी कार्यालय, मोरङले एक प्रेस विज्ञप्ति जारी गर्दै मन्त्री पराजुलीको निवासमा प्रहरीद्वारा कुनै पनि किसिमको खानतलासी वा छापा नमारिएको स्पष्ट पारेको हो।

विज्ञप्तिमा उल्लेख भए अनुसार २०८३ असार ०१ गते पक्राउ पुर्जी जारी भई फरार रहेका एक प्रतिवादी विराटनगर महानगरपालिका स्थित पुष्पलाल चोक आसपासको क्षेत्रमा लुकीछिपी बसेको भन्ने विशेष सूचना प्रहरीलाई प्राप्त भएको थियो। सोही सूचनाका आधारमा फरार अभियुक्तको खोजतलासका लागि प्रहरी टोली उक्त क्षेत्रमा खटिएको थियो।