नयाँ अनलाइन सञ्चार माध्यमलाई पत्रकार आचारसंहिता अभिमुखीकरण

काठमाडौं । प्रेस काउन्सिलले नेपालले नयाँ दर्ता भएका अनलाइनका सम्पादक/प्रकाशकका लागि आचारसहिंता अभिमुखीकरण कार्यक्रम सम्पन्न गरेको छ । अनलाइन सञ्चार माध्यम प्रेस काउन्सिलमा सूचीकरण हुनु नपर्ने भएसँगै मंगलबार अभिमुखीकरण कार्यक्रम सम्पन्न भएको छ । यो ६५ औं अभिमुखीकरण कार्यक्रम हो ।

प्रेस काउन्सिलका मुख्य अधिकृत झबिन्द्र भुसालको अध्यक्षता भएको अभिमुखीकरण कार्यक्रममा विशिष्ट अतिथिको रुपमा सूचना तथा प्रशारण विभागका महानिर्देशक एवं काउन्सिलका सदस्य सचिव छबिन्द्र पराजुली रहेका थिए । अभिमुखीकरण कार्यक्रममा विशेष स्रोत व्यक्ति (विषय विज्ञ) को रुपमा मिडिया एक्सन नेपालका संस्थापक अध्यक्ष डा. लक्ष्मणदत्त पन्त र काउन्सिलका प्रवक्ता दिपक खनाल थिए ।